About Us

Lumaban ang Lugaw ni Lola sa hamon na dala ng panahon at kami ay nanatiling nakatutok sa pag-asang babalik muli ang sigla ng ekonomiya sa lalong madaling panahon. Apat ng taon ng lumalaban ang Lola at bagamat mas marami ang panahon ng paghihikahos, kami ay patuloy at pilit na bumabangon sa tuwing kami ay malulugmok. Hangad namin na ipagpatuloy ang paghimok sa aming mga sarili na huwag itigil ang nag aalab na damdamin sa puso ng kusina ng Lola. Hindi lamang namin layunin ang pagsamahin ang bawat miyembro ng pamilya at magkakaibigan sa bagong tahanan ng Lugaw ni Lola, ngunit ibig din namin na makapag handa ng masasarap na putahe at makapagbigay ng maayos na serbisyo na ikatutuwa ng bawat Juan. Sinusuportahan din ng Lugaw ni Lola ang mga empleyado sa pagbibigay ng mga benepisyo at parangal at pagkilala sa mahusay na pagsasagawa ng kanilang trabaho. Isa pang adhikain ang maayos na pakikisalamuha sa mga ito sa pamamagitan ng tamang komunikasyon. Patuloy ang Lugaw ni Lola sa pagpapabuti nang pagbibigay ng maayos at nakatutuwang serbisyo para sa mga kliyente nito. Patuloy din na aalagaan at gagabayan ang mga tagapagtustos at mga kasosyo sa negosyo. At hangad din naming na makapag ambag sa lipunan sa paraang makakabubuti dito.