About Us - Lugaw ni Lola Atbp.

Ang Lugaw ni Lola ay nabuo sa gitna ng pandemya. Dito naranasan ang hirap sa pagkuha ng mga sangkap para sa araw araw na pangangailangan sa aming unang sabak sa industriya, sa mga panahong ito din, nakaranas ng hirap sa paglakbay mula Marikina at Las Piñas ang aming mga empleyado, makapag trabaho lamang at makapaghatid ng “comfort food” ika nga sa panahong napakaraming nagkakasakit. Lumaban ang Lugaw ni Lola sa hamon na dala ng panahon at kami’y nanatiling nakatutok sa pag-asang babalik muli ang sigla ng ekonomiya sa lalo’t madaling panahon. Tatlong taon lumaban ang Lola at bagama’t mas marami ang
panahon ng paghihikahos, kami’y patuloy at pilit na bumabangon sa tuwing kami ay malulugmok. Hangad namin na ipagpatuloy ang paghimok sa aming mga sarili na huwag itigil ang nag aalab na damdamin sa puso ng kusina ng Lola.

Hindi lamang namin layunin ang pagsamahin ang bawat miyembro ng pamilya at magkakaibigan sa bagong tahanan ng Lugaw ni Lola, ngunit ibig din namin na makapag handa ng masasarap na putahe at makapagbigay ng maayos na serbisyo na ikatutuwa ng bawat Juan. Sinusuportahan din ng Lugaw ni Lola ang mga empleyado sa pagbibigay ng mga benepisyo at parangal at pagkilala sa mahusay na pagsasagawa ng kanilang trabaho. Isa pang adhikain ang maayos na pakikisalamuha sa mga ito sa pamamagitan ng tamang komunikasyon. Patuloy ang Lugaw ni Lola sa pagpapabuti nang pagbibigay ng maayos at nakatutuwang serbisyo para sa mga kliyente nito. Patuloy din na aalagaan at gagabayan ang mga tagapagtustos at mga kasosyo sa negosyo. At hangad din naming na makapag ambag sa lipunan sa paraang makakabubuti dito.

Makapag bigay saya sa aming mga kliyente sa pamamagitan ng paghain ng masasarap at mataas na kalidad na pagkain sa tamang halaga.

1. Pagbuo ng kultura kung saan laging nasa isip ang makabubuti para sa mga kliyente.
2. Ang pangangalaga ng Integridad sa pamamagitan ng pagkilos ng tama at tapat kahit na walang nakamasid.
3. Ang pagtanggap sa pagbabago at mga oportunidad na makatutulong sa pagbibigay ng tamang serbisyo..
4. Ang pagbibigay respeto sa magkakaibang lahi at kultura sa pamamagitan ng tagumpay na hatid ng pagtulong at pagbibgay ng          suporta sa bawat isa.